Gwamnan Jihar Katsina, Malam Dikko Umaru Radda, ya bayyana matukar bakin cikinsa game da rasuwar tsohon Gwamnan Jihar Kogi, Alhaji Ibrahim Idris.
Gwamna Radda ya bayyana marigayi Idris a matsayin gogaggen ɗan siyasa, ƙwararren ɗan kasuwa, kuma dattijo mai kishin ƙasa wanda ya bayar da gagarumar gudunmawa wajen ci gaban Jihar Kogi da kuma dimokuradiyyar Najeriya.
Ya yi nuni da cewa, wa’adin mulkinsa a matsayin ɗaya daga cikin gwamnonin da suka fi dadewa suna mulkin Jihar Kogi ya bar tarihi mai ɗorewa a fannonin samar da ababen more rayuwa, ilimi, da kuma inganta hukumomi da tsare-tsaren gwamnati.
Alhaji Idris, wanda ya yi gwamnan Jihar Kogi daga shekarar 2003 zuwa 2012, ya rasu a yau Lahadi, 20 ga watan Satumba, 2026, a ƙasar Birtaniya yana da shekaru 77 a duniya.
A madadin gwamnati da al’ummar Jihar Katsina, Gwamna Radda ya miƙa ta’aziyyarsa ga takwaransa na Jihar Kogi, Mai Girma Ahmed Usman Ododo, da gwamnati da al’ummar Jihar Kogi, da kuma iyalan mamacin.
Gwamnan ya yi addu’ar Allah Madaukakin Sarki Ya gafarta kurakuransa, Ya ba shi Aljannatul Firdaus, tare da bai wa iyalansa da daukacin al’ummar Jihar Kogi juriyar jure wannan rashi.
Ibrahim Kaula Mohammed
Babban Sakataren Yaɗa Labarai na Gwamnan Jihar Katsina
20 ga Satumba, 2026
